వయ్యారి వాన!

వానమ్మ వాన! వయ్యారి వాన!

కొంగ్రొత్త రాగమై నిలిచినట్టి అందాల మైనా!

ఈ చిరుజల్లు వాన; అందరీ పయిన పన్నీటి సోన ||

;

వైనవైనాలుగా వివిధ గతులౌతూను- తాను

కోట్లాది ధారల- దారముల పెనవైచి;;;

విభ్రమముగా మన భూగోళ తతులను

నీలాల నింగితో సంధాన పరిచేను!||  

;

డంబముల మేఘాల మాయ తివాచీలను ఎక్కేసి;

హరివిలుల ద్వారాలు దాటివచ్చేను;

పుడమిపై అడుగిడిన బంగారు చాన;

వానమ్మ వాన! వయ్యారి వాన! ||

;

తైతక్కలాడుచూ, ఋతు నాట్యరాణి,

విచ్చేసెనండీ ఈ ఉర్వితలమునకు;

తత్థై నాట్యాలు తకిట థోమ్ దరువులను;

ప్రకృతికి నేర్పేటి నెరజాణ గురువు కదటండీ

మన వర్ష సామ్రాజ్ఞి ||

వానమ్మ వాన! ముచ్చటల వాన!

************************************************,

;

విభ్రమం 

 మేఘాల తివాచీ

;

sakalakalars

 971 పేజీవీక్షణలు - 21 పోస్ట్‌లు, చివరగా Sep 19, 2014న ప్రచురించబడింది